ProductTank Tbilisi | January 28, 2021

ProductTank Tbilisi არის ადგილი პროდუქტების მენეჯერების, დიზაინერების, დეველოპერებისა და იმ ადამიანებისთვის, ვისაც მეტის გაგება სურს პროდუქტების მენეჯმენტის შესახებ. შეხვედრების სერია 2010 წელს ლონდონში დაიწყო და დღეს უკვე მთელი მსოფლიოს მასშტაბით 200 ქალაქს აერთიანებს.

ჩვენი შემდეგი შეხვედრა გაიმართება ხუთშაბათს, 28 იანვარს, 19:00 საათზე – Zoom-ში და Facebook-ის ლაივსტრიმში ჩვენს გვერდზე: https://www.facebook.com/ProductTankTbilisi

ჩვენი სპიკერია პავლე მგელაძე, ამაზონის რევერსული ლოგისტიკის ხელოვნური ინტელექტის განვითარების ბიზნეს გუნდის ხელმძღვანელი (Business Lead - ML/AI Unit at World Wide Return & ReCommerce).

თემა: ამაზონის წარმატების მთავარი მექანიზმი - როგორ ვაქციოთ მომხმარებელი კომპანიის "მმართველად"

პავლე პირველი ქართველია ამაზონში მაღალ ბიზნეს პოზიციაზე, სადაც მან მუშაობა 2016 წელს დაიწყო Emory-ს უნივერსიტეტის, ბიზნეს ადმინისტრირების ხარისხის მიღების შემდეგ. მისი კარიერა ამაზონში, საფასო ალგორითმების აწყობით დაიწყო Trade-In გუნდისთვის და ახლა რევერსული ლოგისტიკის ხელოვნური ინტელექტის განვითარების ბიზნეს გუნდის ხელმძღვანელია. მისი სიტყვებით თავის საქმიანობაზე - „ახალ ტექნოლოგიებს ვიყენებ, მომხმარებლების ოცნებების ასასრულებლად:)“.

მის გამოსვლაში იგი მოგვიყვება, თუ რა უნიკალურ მექანიზმებს იყენებს ამაზონი პროდუქტების და სერვისების შესაქმნელად, რის შედეგადაც ბოლო 20 წლის განმავლობაში ამაზონი ინარჩუნებს მომხმარებლისთვის ერთ-ერთი ყველაზე საყვარელი კომპანიის სტატუსს. ამ მექანიზმების გამოყენება ამაზონმა დაიწყო მაშინ როცა 100-მდე თანამშრომელი ჰყავდა და მხოლოდ რამდენიმე ქვეყანაში ოპერირებდა. დღეს ამაზონს 1 მილიონზე მეტი თანამშრომელი ჰყავს და მომხმარებლები 150-ზე მეტ ქვეყანაში სარგებლობენ მისი პროდუქტებითა და სერვისებით - მექანიზმები დღემდე უცვლელი რჩება.

ღონისძიების მოდერატორია ირაკლი ვეკუა, Lupi AI-ის აღმასრულებელი დირექტორი და EBG.ge/Order24.ge-ს მმართველი საბჭოს წევრი.

გამოსვლების შემდეგ, Zoom-იდან და Facebook ლაივიდან გადავინაცვლებთ Wonder-ზე, რომელიც არის სპეციალური პლატფორმა ვირტუალური ნეთვორქინგისთვის.

ProductTank-ზე დასწრება ყოველთვის უფასოა, მაგრამ საჭიროებს წინასწარ რეგისტრაციას meetup.com-ზე.

ღონისძიება ხორციელდება Tbilisi Startup Bureau-ს მიერ, აჭარაბეთის და საქართველოს ინოვაციებისა და ტექნოლოგიების სააგენტოსთან (GITA) პარტნიორობით.

ჩვენი მედია მხარდამჭერია MVP.ge.