AWS Community GameDay Europe 2026 – Galicia

Prepárate para unha tarde de intensidade, aprendizaxe e competición directamente na consola de AWS!

Dende o AWS User Group Galicia, unímonos a outros grupos de usuarios de toda Europa para presentar o AWS Community GameDay Europe. Este é un evento masivo e sincronizado a nivel continental: unha oportunidade única para poñer a proba as túas habilidades na nube nun contorno divertido, práctico e 100% real.

🧩 ¿Que é un AWS GameDay?
É un evento de aprendizaxe gamificado no que os equipos deben resolver retos técnicos baseados en problemas do mundo real. A diferenza dun obradoiro tradicional, aquí non hai diapositivas nin guías paso a paso: é un contorno aberto que che dá liberdade total para explorar solucións “fóra da caixa”.
Nesta edición especial, enfrontaraste a desafíos de IA, Seguridade e Cloud-Native. ¡Práctica pura, cero teoría!

🔧 Información práctica

• Sede: Vémonos no CNTG (Centro de Novas Tecnoloxías de Galicia) en Santiago de Compostela.
• Equipos: De 2 a 4 persoas. Podes vir co teu equipo ou buscaremos un para ti alí mesmo. ¡É a mellor forma de coñecer outros profesionais do sector en Galicia!
• Equipo técnico: Imprescindible traer o teu portátil (o centro proporcionará conexión a internet).
• Cuenta de AWS: Darémosche acceso a unha conta temporal. Non necesitas usar a túa nin incorrer en gastos.
• Idioma: Ten en conta que, ao ser un evento sincronizado con toda Europa, tanto a plataforma de xogo como o streaming internacional serán en inglés. Non obstante, na sede estaremos todos para axudarnos e comentar a xogada en castelán/galego.
• Comida y bebida: Haberá snacks e algo de picar para repoñer forzas durante a competición.

🏆 Premios
Non só compites pola gloria europea! Teremos premios locais para os mellores equipos da nosa sede en Santiago.

🕒 Agenda (Horario sincronizado)

• 17:30 – 18:00: Chegada ao CNTG, rexistro e formación de equipos.
• 18:00 – 18:20: Introdución oficial (Conexión vía streaming con toda Europa).
• 18:20 – 20:30: GameDay en directo: ¡A resolver retos!
• 20:30 – 20:45: Cerimonia de clausura europea e anuncio dos gañadores globais.
• 20:45 – Remate: Entrega de premios locais e networking final.

🌍 Podes consultar o resto de cidades participantes en: https://www.awsgameday.eu/

🏢 Anfitrión
Agradecemos enormemente ao CNTG por cedernos as instalacións e o seu apoio técnico para facer posible este evento internacional en Galicia.

¡Agardámoste en Santiago para demostrar o nivel de AWS que temos en Galicia!