Control de Versión con Git: curso de introducción a Git e GitLab

Marcos Horro - PhD Candidate na FIC

No desenvolvemento dun proxecto, tanto a nivel de código como de documentación, é crucial manter un control sobre os cambios realizados. Na actualidade, Git é a ferramenta de control de versións máis empregada. A súa popularidade reside en diferentes aspectos, como a simplicidade nas tarefas máis comúns de desenvolvemento, un gran soporte pola comunidade de código aberto e, asemade, a capacidade de realizar tarefas complexas de fusión e simultaneidade de diferentes versións, etc.

Nesta charla faremos fincapé nos aspectos teóricos e prácticos máis básicos desta potente ferramenta, empregando a plataforma máis grande de Git en código aberto que é GitLab.