Obradoiro de Escornabot para familias

O Escornabot (https://escornabot.com/es/index) é un robot educativo de software e hardware libre.
Que é o xenial de que sexa así? Que podemos montarnos un cuns poucos componentes e pezas, ademáis de que podemos melloralo como nós queiramos. Dende o deseño do chasis ata os circuitos ou o programa que fai que se mova. A imaxinación é o límite!

Neste obradoiro nos xuntaremos para montar un Escornabot en familia. Aprenderemos que é o software e o hardware libre, cómo funciona o Escornabot, algunhas nocións básicas de electricidade e electrónica e o máis importante... cómo usar o noso novo amigo robótico.

Non é necesario traer nada de casa, nós temos todo o necesario para montar o Escornabot. Aínda así podes traer o teu ordenador portátil para programalo tí mesmo e seguir fedellando na casa.

Nota: cada praza no obradoiro é para dúas persoas (un adulto e un menor).

Evento patrocinado por Xunta de Galicia e Amtega Axencia para a Modernización Tecnolóxica