Obradoiro de síntese modular con MiniMo

Se che apaixona o mundo do son, a música electrónica ou a creación de instrumentos, este obradoiro é para ti.

Da man de José Luis González Castro, deseñador do miniMO, aprenderás a construír e dar vida a este pequeno pero cheo de posibilidades módulo de síntese sonora.

O sábado 13 de setembro, de 10:00 a 13:00 horas, teremos unha cita para mergullarnos no mundo da síntese modular, no local da asociación na rúa Gregorio Espino, 38, entreplanta 3, 36205 Vigo, Pontevedra.

Que imos facer?
• Soldar as pezas do teu propio módulo miniMO, aprendendo as técnicas básicas de montaxe electrónica.
• Programar o módulo para que cobre vida e produza sons únicos.
• Explorar os conceptos esenciais dun sintetizador modular: osciladores, modulación, filtrado, control de tensión…
• Experimentar en grupo, conectando varios módulos para descubrir novas posibilidades creativas.

Ao final do taller, levarás o teu miniMO montado e programado, listo para seguir explorando na casa. Non é preciso ter experiencia previa en electrónica ou programación: só curiosidade e ganas de aprender.

Máis información e detalles do proxecto: minimosynth.com.

Esta actividade está patrocinada pola Xunta de Galicia e pola Axencia Para a Modernización Tecnolóxica (AMTEGA).