🔥🏜 كشته و سوالف خارج محيط علاقاتك

كشته بجلسات أوبير بوادي حنيفة يوم الإربعاء 19 مارس.
اللقاء الساعة 9 مساء إلى 11:00 تعارف, قهوة و سوالف
الساعة 11:30 العشاء
الساعة 12 شاهي ومشروبات و وقت مفتوح قبل نهاية اللقاء.

للمهتمين أكدو حضوركم و و نشوفكم هناك :)
مهم قراءة الوصف اللي تحت لتوضيح هدف إنشاء القروب >>

"كشتات و سوالف"، مكان بسيط وودّي لمحبين الكشتات البسيطة و السريعة و أيضاً البرية بالمواسم المميزة و بدون تكلف.

الهدف من إنشاء المجموعة هو أنه بإختصار؛ مخصص للي حاب يجرب يجتمع مع أشخاص جدد في طلعات خفيفة بدون تكلف. الفكرة إننا نطلع عن محيط علاقاتنا المعتاده، نلتقي بناس مختلفين، و نتشارك سوالف و تجارب مختلفه و جديدة في جو ودي ومريح بعيد عن الرسميات.

و الأهم كل كشته راح تكون مجموعة صغيرة 4 أشخاص كحد أقصى عشان يكون التواصل أبسط و اللمه سهله.

الطلعات خفيفة، قهوة و شاهي و بحكم حبي للطبخ راح أستمتع بطبخ وجبة حسب المناسب بيومها مابين باستا بس مو اي باستا :), مشويات, برجر, أو مندي و إلا كبسات, و غيره.

راح تكون بأماكن مختلفة كل مرة مثل الكشتات السريعة بوادي حنيفة, منتزة الملك سلمان البري, العمارية أو المناطق البرية مثل النفود أو البر بأماكن متفرقه مثل شقراء و ماحولها أو المزاحمية أو حتى بالمحميات مثل محمية الملك خالد.

إذا ودّك بتجربة جديدة ولقاء أشخاص جدد بدون زحمة ولا تكلف و بعيد عن الرسمية، هذا القروب لك و حياك! 🌿🔥

الجلسة و الكراسي الأرضية و شبة النار و القهوة و الشاهي و العشاء كله مرتب.

و الأمور سهالات خذ راحتك مافي شي ممنوع, تبي تجيب لعبه تشاركنا حياك, تحب تطبخ مثلي و تبي تشارك بطبق من إبداعك حياك, تبي تجيب شيشتك جيبها, عندك فكره لأنشطه معينه ترانا نرحب بها, كل شي مسموح ماعدا كل ما يخالف الأنظمة و القوانين الأمنية.

المجموعة غير ربحية و إنما فقط تجربة جديدة , و وقت الإعلان عن كشته راح يتم طلب دفع رسم رمزي بقيمة 5 ريالات , فقط لضمان جدية الحضور و تحقيق الهدف من التجربة و الموضح مسبقاً.