AI BEYOND THE LLMs

Ве покануваме повторно на PyData собир во среда на 5.3.2025 година во Base42 во 18 часот. Предавање на тема „Можностите на вештачката интелигенција надвор од големите јазични модели“ ќе одржи м-р Александар Јованов.

На ова предавање ќе се зборува како да се изгради машина што размислува надвор од црната кутија на тековните модели за длабоко учење. Ќе се разгледаат логика на расудување, класични модели на машинско учење со стебла на одлуки и регресија, веројатност, генетски алгоритми и пресметковни графикони, и „reservoir computing“.

• Историја на вештачка интелигенција надвор од невронски мрежи.
• Пресметување, логика и (вештачка) памет - развој и алтернативи низ децениите.
• Осврт на компатибилност и интероперабилност на овие методи со невронски мрежи и иднината.

Александар Јованов, магистер на науки, е фриленс консултант во областите Computer Vision, Machine Learning, Computational Geometry and GIS, Global and Local Optimization Systems и Data Science. Дипломиран на ФИНКИ во 2018 и дошколуван во RWTH Aachen во 2023та како Магистер за Data Science. Има работено на бизнис проекти од областа на финансии, електродистрибуција, 3д печатење и примена на machine learning во индустрија на храна. Неговиот академски интерес е иднина на светот низ призмата на пресметувањето и развој на вештачката интелигенција со три фокуси: технички, теолошки и филозофски.