Back-to-Backprop - Neural Networks From Scratch

Ве покануваме на PyData собир во среда на 28.5.2025 година во Base42 во 18 часот. Предавање на тема „Back-to-Backprop - Neural Networks From Scratch“ ќе одржи Јован Крајевски.

Во ова предавање ќе се навратиме на основите на длабокото учење. За слушателите кои немаат предзнаење за темата ќе се обидеме да понудиме интуитивно образложение на тоа што се невронски мрежи и како невронските мрежи „учат“. За оние кои веќе имаат искуство со длабоко учење ќе се обидеме да понудиме детално образложение на механизмот кој овозможува невронските мрежи да „учат“ - backpropagation. Предавањето ќе го завршиме имплементирајќи во живо основна верзија на пресметковен граф инспириран од имплементациите на PyTorch и TensorFlow, надевајќи се дека на тој начин ќе се демистифицира „магијата“ позади длабокото учење.

Јован Крајевски е дипломиран компјутерски инженер со долгогодишно работно искуство во полето на машинското учење. Посебен фокус во работата има посветено на примената на длабокото учење во компутерската визија. Моментално е запишан на магистерски студии на ФИНКИ, каде што го истражува полето на Баесовата статистика.