ROBOFLOW + YOLO + FASTAPI: Fastest way to train and deploy vision models

PyData Skopje ве поканува на предавање на тема „Roboflow + YOLO + FastAPI: Fastest way to train and deploy vision models“, кое ќе се одржи на 29.10.2025 година во 18:00 часот во просториите на Base42. Предавањето ќе го одржи м-р Душко Клинчаров, софтверски инженер во CodeChem.

На ова предавање ќе се прикаже поедноставен и ефикасен работен процес за градење апликации за компјутерска визија спремни за продукција.

Ќе научите како да го искористите Roboflow за лесно управување и анотација на податочни множества, како да тренирате YOLO модели со минимален код и како да ги направите вашите модели достапни како REST API со FastAPI.

Ќе се покрие целата патека - од подготовка на податоците до поставување во продукција и ќе покажеме како овие три алатки заедно го намалуваат времето за развој од недели на само неколку часа.

Предавањето е наменето за сите инженери, студенти и AI ентузијасти кои сакаат брзо да направат и објават решенија базирани на компјутерска визија, без потреба од длабока експертиза во машинско учење.

М-р Душко Клинчаров е софтверски инженер во CodeChem. Магистерското образование по компјутерски науки го има завршено на Универзитетот во Бон. Тој е еден од организаторите на PyData Skopje, и активно придонесува за локалната заедница во областа на податоците и технологијата.

Како софтверски инженер во CodeChem, Душко има искуство со широк спектар технологии, вклучувајќи вештачка интелигенција и машинско учење, компјутерска визија, cloud инфраструктура и full-stack развој. Работи со Python и C++, решавајќи комплексни технички предизвици низ целиот развоен животен циклус - од истражување и прототипирање, до поставување во продукција.