AGENTIC ENGINEERING: Programming with AI as a Teammate

Base42 ве поканува на новото издание на PyData, кое ќе се одржи на 25.03.2026 во 18:00 часот. Предавањето ќе го одржи Мартин Поповски од G+D Netcetera на тема: „Agentic Engineering: Programming with AI as a Teammate - Context files, agent skills, and workflows for AI-assisted development“.

Предавањето ќе се фокусира на новиот пристап во развојот на софтвер каде AI не се користи само како алатка, туку како активен соработник во процесот на програмирање. Ќе биде претставен концептот на Agentic Engineering, како и техники за организирање на развојни процеси околу AI агенти - користење на context files за одржување на свесност за проектот, дизајнирање agent skills за специфични задачи и креирање workflow-и кои овозможуваат ефикасна соработка помеѓу човекот и AI.

Настанот ќе започне со краток преглед на современите концепти за AI-assisted development, по што ќе следи интерактивна live демонстрација во која Мартин ќе го прикаже својот личен workflow и начинот на кој користи AI алатки за решавање проблеми, навигација низ комплексни кодни бази и забрзување на процесот на развој.

Мартин Поповски е Tech Lead за Generative AI во G+D Netcetera, каде работи во последните четири години. Дипломирал на Факултетот за информатички науки и компјутерско инженерство (ФИНКИ) во Скопје, а моментално е и на магистерски студии по Data Science на истиот факултет. Во својата работа се фокусира на интеграција на најновите AI технологии во практични софтверски решенија, поврзувајќи ја академската теорија со реалните инженерски предизвици.