فيزياء الكم... خارج حدود العلم

تخيل إن في لحظة ما…
الحاجة مش بتكون يا حصلت يا ما حصلتش،
لكن الاتنين معًا.
تخيل إن العلم،
مش الفلسفة ولا التنمية البشرية،
وقف قدّام نفسه وقال:
القوانين اللي مطمّنا عليها
مش دايمًا شغّالة.

فيزياء الكم ظهرت لما العلماء قرّبوا قوي من أساس الكون،
واكتشفوا إن الواقع على مستواه الأعمق
مش حتمي.
فيزياء الكم كشفت لنا عالم
تحكمه الاحتمالات،
مش اليقين،
وعلّمتنا إن الملاحظة نفسها
جزء من المشهد.

لكن هنا لازم نقف.
لأن نفس العلم اللي كشف غرابة الكم،
هو نفسه اللي بيرفض المبالغة فيها.
مش كل غموض معنى،
ومش كل احتمال حرية مطلقة،
ومش كل سؤال بلا إجابة دعوة للتأويل.

اللقاء ده مش تمجيد لفيزياء الكم،
ولا استخدام لها كتبرير لأي فكرة،
لكن محاولة نفهمها في حجمها الحقيقي:
علم عظيم…
وحدوده واضحة.
هنناقش الكم بفضول،
وبشك،
وبوعي يفرّق بين
العلم…
وسوء الفهم اللي اتلبس لبسه.

اللقاء يوم السبت 17 يناير ان شاء الله
الساعة 6 مساء

اشوفكم على خير جميعا وسنة سعيدة عليكم أن شاء الله.