حيّاكم الله في ضحويتنا ومجلسنا 🤍
لللي يحبون الصباح، ويرتاحون في أماكن فيها ألفة ودفا..
إذا ودّك بضُحوية خفيفة، فيها سوالف كتب ومثقفين بدون رسمية وثقالة دم، ولقاء فيه ناس ممتعين يشبهونك، وتحبين تتعلمين تسوين شي بيدك وتفخرين فيه… احب أقولك: وصلتي خير 💐
🔸 أول لقاء لـ شاهي ضحوية
📅 السبت 12/7
⏰ 9:00 صباحاً – لمدة 3 ساعات
⸻
فقرات اللقاء:
☁️ في رعايته وكنفه
نتأمل سوا في اسم الله “الصمد” ونتكلم عن كيف حسّينا بأثره في حياتنا.
☕ سوالف شاهي
بنقرا سوا مقال خفيف عن الطفولة وذكرياتها، اسمه “Once More to the Lake” للكاتب E.B. White
نحكي من القلب، نشارك مواقف، نشارك ذكريت، نضحك، ونسمع لبعض،ونطلع على وجهات نظر مختلفة.
📌 رابط المقال:
https://clarylake.org/wp-content/uploads/EBWhite-Once-More-to-the-lake.pdf
تبينه بالعربي؟ راسليني خاص 💌
🎨 سواها قلبي
نتعلم سوا نصمم فواصل كتب لطيفة… فواصل نرجع لها كل ما فتحنا كتاب، ونبتسم لأنها من صنع يدينا.
⸻
اللقاء مدته ثلاث ساعات، ممتع، خفيف، يدفي القلب، ويخلّي السبت غير.
جاهزين؟
جهزوا كوب الشاي أو القهوة، وتعالوا نبدأ طقوسنا الجديدة سوا ☕️�
📍اللقاء مخصص للبنات فقط 💕
