Conversa sobre 'O amigo', de Sigrid Nunez

En xullo xuntámonos para falar de 'Matarán a Reboiras', de Luís Rei Núñez, unha novela que ten partes de ficción e partes de historia verdadeira. En xeral, gustounos a parte de relato histórico e un tanto menos a parte de elaboración ficcional, pero houbo opinións para todos os pareceres.

Para a nosa decimoterceira conversa (en setembro, no segundo domingo) escollemos 'O amigo', de Sigrid Nunez. Nesta obra mudamos de todo, menos de apelido: será a primeira tradución que leamos e cóntanos dunha amizade moi especial, entre a protagonista e o can do finado do amigo. Esta será tamén a primeira vez que leamos un libro editado por Rinoceronte https://rinoceronte.gal/produto/o-amigo/

Aínda que podes facer trampa e lelo en inglés, castelán e máis linguas, recomendámosche que o merques en galego, ou que o pidas emprestado.

E para a seguinte vez, que será no domingo despois das eleccións nos Estados Unidos teremos 'Un anarquista' de Diego Ameixeiras (Xerais).