Conversa sobre 'Un anarquista', de Diego Ameixeiras

En setembro xuntámonos para falar d'O amigo, a tradución ao galego da novela de Sigrid Nunez, xustamente o día despois de que Pedro Almodóvar gañase o León de Ouro de Venecia por un filme baseado noutra novela de Nunez. Houbo en xeral un consenso positivo sobre o libro, especialmente o final, e tanto a parte da dó, como da relación cos animais, como as reflexións metaliterarias.

Para a nosa decimocuarta conversa (no segundo domingo de novembro, despois das eleccións estadounidenses) escollemos 'Un anarquista', de Diego Ameixeiras, unha novela negra e unha novela histórica tamén, ambientada na Barcelona da Transición e protagonizada por un emigrante galego. A novela de Ameixeiras está editada por Xerais (https://www.xerais.gal/libro/narrativa-narrativa/un-anarquista-diego-ameixeiras-9788411105156/), ten só 112 páxinas e, ademais de nas túas librarías habituais, tamén podes lelo electronicamente en GaliciaLe: https://catalogo.galiciale.gal/Record/Xebook1-3331.

E para a seguinte vez, que será no domingo despois de Reis (xa en 2025!), teremos 'Tras do ceo', a última novela de Manuel Rivas (tamén en Xerais)... e se cadra algún agasallo máis que nos traia o Apalpador. :)