What we’re about
حياكم الله في " لَمَّهْ "
مكان بسيط وودّي لمحبين الكشتات البسيطة و السريعة و أيضاً البرية بالمواسم المميزة و بدون تكلف.
الهدف الأساسي من إنشاء المجموعة هو أنه بإختصار؛ مخصص للي حاب يجرب يجتمع مع أشخاص جدد في طلعات خفيفة بدون تكلف. الفكرة إننا نطلع عن محيط علاقاتنا المعتاده، نلتقي بناس مختلفين، و نتشارك سوالف و تجارب مختلفه و جديدة في جو ودي ومريح بعيد عن الرسميات.
و الأهم كل كشته راح تكون مجموعة صغيرة 5 أشخاص كحد أقصى عشان يكون التواصل أبسط و الـ لَمَّهْ سهله.
الطلعات خفيفة، قهوة و شاهي و بحكم حبي للطبخ راح أستمتع بطبخ وجبة حسب المناسب بيومها مابين باستا بس مو اي باستا :), مشويات, برجر, أو مندي و إلا كبسات, و غيره.
راح تكون بأماكن مختلفة كل مرة مثل الكشتات السريعة بوادي حنيفة, منتزة الملك سلمان البري, العمارية أو المناطق البرية مثل النفود أو البر بأماكن متفرقه مثل شقراء, مناطق سدير و ماحولها أو المزاحمية أو حتى بالمحميات.
إذا ودّك بتجربة جديدة ولقاء أشخاص جدد بدون زحمة ولا تكلف و بعيد عن الرسمية، هذا القروب لك و حياك! 🌿🔥
الجلسة الأرضية و الكراسي و شبة النار و القهوة و الشاهي و العشاء كله بيكون مرتب.
و الأمور سهالات خذ راحتك مافي شي ممنوع, تبي تجيب لعبه تشاركنا حياك, تحب تطبخ مثلي و تبي تشارك بطبق من إبداعك تسويه بالجلسة حياك, تبي تجيب شيشتك جيبها, عندك حيوانك الاليف تبيه يتمشى جيبه لكن مع الليش حقه ضروري, عندك فكره لأنشطه معينه ترانا نرحب بها, كل شي مسموح ماعدا كل ما يخالف الأنظمة و القوانين الأمنية.
" المجموعة غير ربحية و لن يتم طلب مبلغ مالي للمشاركة ", و لكن لضمان تجربة أفضل للحاظرين , بعد تسجيل طلب الحضور سيتطلب سداد رسم 5 ريالات فقط تفادياً لحالات تسجيل الحضور الغير صحيحة.
